மொபைல், கணினியில் கவிழ்ந்து கிடக்கும் குழந்தைகள்?

காலை முதல் இரவு வரை இடைவிடாமல் செயல்படும் ஒரு பொருள் என்னவெனில் அது மொபைல் போன் என்று கூறலாம். அந்த அளவுக்கு குழந்தைகள் முதல் பெரியவர்கள் வரை அதற்கு அடிமையாகி விட்டனர்.

- -எஸ்.ரவீந்திரன்

எந்த கேள்வி கேட்டாலும், உள்ளங்கையில் இருக்கும் செல்போன் மூலம் இணையத்தில் தேடி பதிலை சொல்லிவிட முடியும் என்ற நிலையில்... வாழ்க்கைக்கு தேவையான முக்கிய விஷயங்களின் கூட நினைவாற்றல் அவசியமில்லை என்ற மனோநிலை இப்போது உருவாகிவிட்டது.

இப்படி ஒரு எந்திர உலகில் மனிதர்கள் சிக்கித் தவிக்கிறார்கள். இது பெரும் ஆபத்தை ஏற்படுத்தும், மூளை மழுங்கி விடும் என மருத்துவ உலகம் எச்சரிக்கிறது.

ஒரு ஆய்வின்படி, இந்தியாவில் ஐந்து வயதுக்குட்பட்ட குழந்தைகள் வாரத்துக்கு சராசரியாக 22 மணிநேரம் மொபைல் மற்றும் கணினி திரைகளில் செலவிடுகிறார்கள் என தெரியவந்துள்ளது அதிர்ச்சியளிக்கும் வகையில் உள்ளது.

குழந்தைகள் திரைகளில் அதிக நேரம் செலவிடுவதால் ஏற்படும் தீமைகள் குறித்து சில ஆய்வுகள் உள்ளன. எடுத்துக்காட்டாக, அதிக திரை நேரம் கிட்டப்பார்வை, மற்றும் தூக்கமின்மை போன்ற உடல்நலப் பிரச்சினைகளுக்கு வழிவகுக்கும். மேலும், அதிக திரை நேரம் குழந்தைகளின் அறிவாற்றல் மற்றும் சமூக வளர்ச்சியையும் பாதிக்கலாம். எனவே, குழந்தைகள் திரைகளில் எவ்வளவு நேரம் செலவிடுகிறார்கள் என்பதை பெற்றோர் கவனத்தில் கொள்ள வேண்டும்.

2 முதல் 5 வயதுக்குட்பட்ட குழந்தைகள் ஒரு நாளைக்கு 1 மணிநேரத்திற்கு மேல் திரைகளில் செலவிடக்கூடாது. 5 வயதுக்கு மேற்பட்ட குழந்தைகள் பள்ளி அல்லாத பொழுதுபோக்கிற்காக ஒரு நாளைக்கு 2 மணிநேரத்திற்கு மேல் திரைகளில் செலவிடக்கூடாது, மேலும் அவர்களின் வயதுக்கு ஏற்ற திரை செயல்பாடுகளை தேர்ந்தெடுக்க வேண்டும்.

இப்படி பரிந்துரைக்கப்பட்ட வரம்பை விட இரண்டு மடங்கு இருப்பது குழந்தைகளின் உடல் மற்றும் மன நல்வாழ்வு குறித்து கடுமையான கவலைகளை எழுப்புகிறது.