கமலிடம்* பாடம் கற்பாரா விஜய்?

'பாவம் விஜய், எடுத்து வைக்கும் அடிகளில் எல்லாம் இடறுவதே வழக்கமாகிவிட்டது.

- பரிதி

கட்சி தொடங்கியபோது விமர்சிக்கப்பட்ட இருதலைக் கொள்கை, பொறுப்பாளர் தேர்வில் குழப்பம், வீட்டிலேயே அரசியல்... என பல வகைகளில் இடறல் ஏற்பட்டாலும். எல்லாவற்றிலும் பெரிய இடறலாக இப்போது பிரதான தேர்தல் வியூக அமைப்பாளர் பிரசாந்த் கிஷோர் உடன் போட் டுள்ள கூட்டணி அமைந்துள்ளது.

அவரை பிரதான வியூக அமைப்பாளர் என்று சொல்வதில் அர்த்தம் இருக்கிறது.ஏனெனில், ஏற்கனவே கவச குண்டலத்துடன் கர்ணன் பிறந்தது போல், இவரது கட்சியும் ஜான் ஆரோக்கியசாமி என்ற வியூக அமைப்பாளருடன் தான் பிறந்தது.

அடுத்து இலவச இணைப்பாக விடுதலை சிறுத்தைகள் கட்சியிலிருந்த வியூக அமைப்பாளர் ஆதவ் அர்ஜுன் வந்தார். இப்போது அதிரடியாக பிரசாந்த் கிஷோர் வரவழைக்கப்பட்டு உள்ளார்.