டியர்

குறட்டையால் கணவன்மனைவிக்குள் ஏற்படும் மன விரிசல் எந்த எல்லை வரை செல்கிறது என்பதே படத்தின் கதை.

- 

சென்னையில் சிறிய டி.வி. சேனலில் நியூஸ் ரீடராக இருக்கும் அர்ஜூனுக்கும் (ஜி.வி.பிரகாஷ்), குன்னூரில் வசிக்கும் தீபிகாவுக்கும் (ஐஸ்வர்யா ராஜேஷ்) இரு வீட்டார் கல்யாணம் பேசி முடிக்கிறார்கள்.

குறட்டை பிரச்சினை இருப்பதை வெளிப்படையாக சொல்லி வந்த வரன்களை எல்லாம் மிஸ் செய்த தீபிகாவை இம்முறை அவரது அம்மா வாயடைத்து விடுகிறார்.

ஒருவழியாக கல்யாணம் முடிந்து முதலிரவு அறைக்கு வந்த பிறகு தான், தனக்கு லைட் ஸ்லீப்பிங் பிரச்சினை இருப்பதாக சொல்கிறான் அர்ஜூன்.

இடியே விழுந்தாலும் குறட்டை விட்டு தூங்க கூடியவள் தீபிகா. ஒரு பென்சில் விழும் சத்தம் கேட்டாலும் துள்ளி எழுந்து விடுவான் அர்ஜூன்.

இப்போது என்ன செய்வது என்று புரியாமல் தீபிகா முழிக்க, அன்றிரவு எப்படியாவது தூங்காமல் கடந்து விட நினைக்கிறாள். ஆனால் ஒரு கட்டத்தில் தன்னை மறந்து அவள் தூங்கி விட, வந்த குறட்டை சத்தத்தில் பதறியடித்து எழுகிறான் அர்ஜூன்.

இருவரும் மனம் விட்டு பேச, 'என் குறட்டை பிரச்சினையால என்னை வெறுத்துடுவியா' என தீபிகா பாவமாய் கேட்க 'இதெல்லாம் ஒரு பிரச்சனை இல்ல, பாரீன்ல என் டாக்டர் பிரண்ட் இ.என்.டி. ஸ்பெஷலிஸ்ட், அவன்கிட்ட உன் ரிப்போர்ட் அனுப்பி சரி பண்ணிடலாம்' என்கிறான் அர்ஜூன்.