சுவாரஸ்யமான முரண்கள்!

வாழ்க்கை எப்பொழுதுமே முரண்பாடுகளால் நிரம்பியது. ஒரு விஷயத்தை நினைத்து அவ்வளவு பயந்திருப்போம், இது பெரிய சவாலாக இருக்கிறதே என்று குழம்பியிருப்போம்.

- டாக்டர் அகிலாண்ட பாரதி

சட்டென்று அது ஒன்றுமில்லாமல் போய்விடும், சில சமயங்களில் எதிர்பாராத ஒன்று பெரும் தலைவலியாய் வந்து நிற்கும். இதை பலரும் உணர்ந்திருப்பீர்கள்!

என்னுடன் மருத்துவம் படித்த வட மாநிலத்தைச் சேர்ந்த நண்பர், அயல்நாட்டில் ஒரு ஆராய்ச்சித் துறையில் பணிபுரிகிறார்.

மருத்துவத் துறையின் ஒரு உட்பிரிவில் அவர் செய்திருக்கும் ஆராய்ச்சி தொடர்பாக ஒரு உலகளாவிய கருத்தரங்கத்தில் பேசப் போகிறேன் என்று அழைப்பிதழை பகிர்ந்திருந்தார். பழைய, புதிய நண்பர்கள் பலரும் வாழ்த்துத் தெரிவித்திருந்தனர். நண்பரின் பெயரையும் அவர் தற்போது வெற்றிகரமாய் இயங்கி வரும் துறையையும் கவனித்த பொழுது எனக்கு சட்டென்று ஒன்று நினைவுக்கு வந்தது.