நோபல் பரிசு நாட்டின் 50 வருட மன்னர் கதை!

ஐரோப்பிய நாடான சுவீடன் சர்வதேச கவனத்தை பெற்றுள்ள நாடுகளின் பட்டியலில் முதன்மை பெற்றுள்ளது. சுவீடன் நாட்டின் தலைநகரான ஸ்டாக்ஹோமில்தான் ஆண்டுதோறும் நோபல் பரிசு வழங்கும் விழா கோலாகலமாக நடைபெற்று வருகிறது.

- 

இப்பரிசுகளை விருதாளர்களுக்கு சுவீடன் நாட்டின் மன்னர் வழங்கும் படங்களை வெளியிடாத ஊடகங்களே இல்லை எனலாம்.சுவீடன் மன்னராக அரியணையில் 50 ஆண்டுகள் தொடர்ந்து அமர்ந்து இருப்பவர் கார்ல் 16ஆவது கஸ்டாப் ஆவார்.

1973ஆம் ஆண்டு செப்டம்பர் மாதம் 15-ஆம் தேதி சுவீடன் மன்னராக கார்ல் 16-ஆவது கஸ்டாப் பதவி ஏற்றார். தனது தாத்தா கஸ்டாப் 6-ஆவது அடால்ப் மறைந்ததை அடுத்து இந்த பதவியை அவர் ஏற்றார்.

1946-ஆம் ஆண்டு ஏப்ரல் மாதம் 30-ஆம் தேதி சோல்னா என்ற இடத்தில் உள்ள கஹ்கா அரண்மனையில் பிறந்த கார்ல் கஸ்டாப் 5-ஆவது குழந்தை ஆவார். மற்ற 4 குழந்தைகளும் பெண்கள் என்பதால் கார்ல் கஸ்டாப் பட்டத்து வாரிசானார்.