സത്യസന്ധമായ സമീപനം; നല്ലഭരണ സംവിധാനത്തിൽ

ചെറുതെന്ന് തോന്നുമെങ്കിലും അർത്ഥസപൂർണ്ണമായ ഈ കഥയിൽ നിന്നും ഒരു നല്ല ഭരണ സംവിധാനത്തിന്റെ മഹത്വം ഉൾക്കൊള്ളാൻ ഏവർക്കും സാധിക്കും. അത്രയ്ക്ക് മഹത്തരവും അനുകരണീയവുമാണീ രാമരാജ്യം.

- സംഗീത മധു

ലോകമെമ്പാടും കീർത്തി നേടിയ ശ്രീരാമൻ രാജ്യഭരണം നടത്തുന്ന സമയം. സമ്പദ്സമൃദ്ധിയും ഐശ്വര്യവും സമാധാനവും സന്തോഷവും നിറഞ്ഞ കാലഘട്ടം. ആർക്കും മനസ്സിൽ ക്ഷേമവും പോലും ഒരു ദുരുദ്ദേശവും ഉണ്ടായിരുന്നില്ല. അല്ലലുകളേതുമല്ലാത്ത സുഭിക്ഷമായ കാലം.

ഒരു ദിവസം, ഒരു വ്യവസായിയുടെ ഭാര്യ തങ്ങളുടെ വീടിന്റെ പുറകുവശത്തിരുന്നു കൊണ്ട് തന്റെ കുഞ്ഞിന് ചോറ് ഊട്ടിക്കൊണ്ടിരിക്കുകയായിരുന്നു. അപ്പോൾ കുഞ്ഞ് കുടിക്കാൻ വെള്ളം ചോദിച്ചു. അവർ കുഞ്ഞിന് സ്വർണ്ണത്തളികയിലാണ് ചോറ് ഊട്ടിക്കൊണ്ടിരുന്നത്.

അവർ സ്വർണ്ണത്തളിക താഴെ വച്ചിട്ട് വെള്ളമെടുക്കാൻ അകത്തേയ്ക്ക് പോയി. വെള്ളവുമായി മടങ്ങിയെത്തിയ അവർ കണ്ടത് കരഞ്ഞു കൊണ്ടിരിക്കുന്ന കുഞ്ഞിനെയാണ്. ചുറ്റും കണ്ണോടിച്ചപ്പോൾ അവിടെയെങ്ങും സ്വർണ്ണത്തളിക ഇല്ലായിരുന്നു.