நாரதர் திருமாலுக்கு இட்ட சாபம்!

ஒரு முறை, சிவபெருமான் பார்வதிதேவிக்கு ராமபிரானின் மகிமைகளை கூறிக் கொண்டே வந்தார். அப்போது, 'ராமபிரான் எப்படி அவதரித்தார் என்று தெரியுமா?" என திடீரென்று ஒரு கேள்வியை எழுப்பினார். அதற்கு பார்வதி, ‘தெரியுமே ஜெயன் - விஜயன் இட்ட சாபத்தினால்தானே!" என்று கேட்டாள்.

- பொன் முகரியன்

'இல்லை பார்வதி. நாரதர் இட்ட சாபத்தினால்தான் திருமால் ராமராக அவதரித்தார்' என்று சிவபெருமான் கூறினார். அதைக் கேட்டு வியப்பில் ஆழ்ந்தவள், 'அப்படியா! இந்த கதை எனக்கு புதியதாக இருக்கிறதே' என்று பார்வதி கூறியதும், அந்த அறியப்படாத கதையைக் கூறத் தொடங்கினார் சிவபெருமான்.

ஒரு சமயம் நாரதர், கங்கைக்கரைக்கு வந்தார். அங்கு ஓர் ஆசிரமம் இருந்தது. அந்த ரம்யமான சூழ்நிலை, மனதில் தெய்வீக இன்பமான ஊற்று பெருக்கெடுத்தது.