நிலைபேறாண்மை விருதுகள் 2025 - இரு உயர் விருதுகளை சுவீகரித்த டோக்கியோ சீமெந்து

டோக்கியோ சீமெந்து குழுமத்தின் சிறந்த நிலைபேறாண்மை செயற்பாடுகளுக்காக, அண்மையில் நடைபெற்ற இலங்கை நிலைபேறாண்மை விருதுகள் 2025 நிகழ்வில் இரு பெருமைக்குரிய விருதுகள் வழங்கி கௌரவிக்கப்பட்டிருந்தது.

- 

குழுமத்தின் புத்தாக்க பெறுமதி சேர் தயாரிப்பான TOKYO SUPERBOND Premium Tile Adhesive இற்கு, நிலைபேறான புத்தாக்க விருது வழங்கி கௌரவிக்கப்பட்டிருந்தது. குறைந்த காபன் வெளிப்பாடு மற்றும் ஆரோக்கியமான வசிப்பிட சூழலை ஏற்படுத்துவதற்கான பங்களிப்பு ஆகியவற்றுக்காக இந்த கௌரவிப்பு வழங்கப்பட்டிருந்தது. உள்ளக வாயு தரத்தை மேம்படுத்தும் அதன் low Volatile Organic Compound (VOC) உள்ளடக்கத்திற்காக இந்த விசேட விருது வழங்கப்பட்டிருந்தது. திருகோணமலையில், டோக்கியோ சீமெந்து தொழினுட்ப சிறப்பு நிலையத்துக் காக இரண்டாவது விருது வழங்கப்பட்டிருந்தது.

இந்த நிலையத்தின் பிளாட்டினம் சான்றளிக்கப்பட்ட GREEN கட்டட அலங்கார அம்சங்களுக்காக பிரத்தியேகமான சூழலுக்கு நட்பான பொறியியலுக்கான கௌரவிப்பாக அமைந்திருந்தது. டோக்கியோ சீமெந்து குழுமத்தின் நிலைபேறாண்மைக்கான ஆழமான மற்றும் தொழில்துறை முன்னோடியான அர்ப்பணிப்பை இந்த இரு விருதுகள் மேலும் உறுதி செய்துள்ளன. இவை, அவற்றின் கூட்டாண்மை DNA இல் உள்ளடங்கியுள்ளதுடன் நிறுவனத்தின் செயற்பாடுகள் மற்றும் தயாரிப்பு மூலோபாயம் ஆகியவற்றிலும் ஆழமாக ஊடுருவியுள்ளன.