வரலாற்று சிறப்பு மிக்க கதிர்காமக் கந்தன் ஆலயம்

இலங்கையில் புகழ் பெற்ற புனித தலங்களில் ஒன்றாக கதிர்காமக் கந்தன் ஆலயம் திகழ்கின்றது. இவ்வாலயத்துக்கு இன, மத பேதமின்றி அனைவரும் வந்து வழிபடும் ஒரு முக்கிய தலமாக காணப்படுகின்றது. வேடுவ சமூகத்துக்கு முக்கிய தெய்வமாக இந்தக் கதிர்காமக் கந்தன் போற்றப்படுகின்றார்.

- 

கதிர்காம முருகனின் பெயர் தமிழ் மொழியில் பண்டார நாயகன் என்றும் சமஸ்கிருத மொழியில் கதிர்காமன் என்று அழைக்கப்படுகிறது.

அப்பெயர் இத்தள முருகனுக்கு ஏற்பட காரணம் சிவபெருமானின் நெற்றிக்கண்ணில் இருந்து தீப்பொறியாக (கதிர்) சரவணப் பொய்கையில் உள்ள பொற்றாமரைக் குளத்தில் முருகப்பெருமான் அழகான முகத்தில் (காமன்) தோன்றியதால் இத்தலத்துக்கு கதிர்காமம் என்ற பெயரும் முருகனுக்கு கதிர்காமன் என்ற பெயரும் ஏற்பட்டது.

ஏறத்தாழ 2,500 ஆண்டுகளுக்கு முன் தமிழ் மன்னனான எல்லாளனுடனான போரில், சிங்கள மன்னனான துட்டைகைமுனு இக்கோயிலில் நேர்த்திக்கடன் வைத்ததாகவும், போரில் வென்ற பின்னர், இக்கோயிலில் நேர்த்திக்கடனை நிறைவேற்றியதாகவும் மகாவம்சம் நூலில் குறிப்புகள் உள்ளன. அதேவேளை, இக்கோயிலின் வரலாறு அதற்கும் முன்னதான நீண்ட வரலாற்றைக் கொண்டது என்பது குறிப்பிடத்தக்கது.

கதிர்காமம் முன் தோற்றம் கோயில் அமைப்பு