కొత్త ధోరణులతో ప్రపంచ పర్యాటక రంగం

ఇప్పుడు ప్రపంచంలోని అనేక దేశాలు పర్యాటకరంగంపై జీవనం సాగిస్తున్నాయి.

- - షేక్ అబ్దుల్ హకీం జాని

ఇప్పుడు ప్రపంచంలోని అనేక దేశాలు పర్యాటకరంగంపై జీవనం సాగిస్తున్నాయి. వారి సంస్కృతి, సంప్రదాయా లను ప్రపంచానికి చాటి చెప్పడంతో పాటు పర్యాటకరంగం ద్వారా ఆర్థిక ప్రయోజనాలు పొందుతున్నారు. ప్రపంచ పర్యాటక రంగం 2025లో అభివృద్ధి, పునరుద్ధరణ అనే విషయాల్లో కొత్త శకంలోకి అడుగుపెట్టింది. కొవిడ్ 19 మహమ్మారి తర్వాత కోలుకున్న పర్యాటక రంగం ఇప్పుడు కొత్త ధోరణులు, సాంకేతిక పురోగతులు, సుస్థిర పద్ధతుల ద్వారా రూపాంతరం చెందుతోంది.

నూతన ధోరణులతో పర్యాటక రంగం

2025లో పర్యాటక రంగం కొత్త ధోరణుల ద్వారా రూపాంతరం చెందుతోంది. సుస్థిర పర్యాటకం: ప్రపంచంలో 83 శాతం మంది ప్రయాణికులు సుస్థిర ప్రయాణం ముఖ్యమని భావిస్తున్నారని 2024 సర్వే వెల్లడైంది. ఎకో టూరిజం మార్కెట్ 2026లో 172.4 శాతం బిలియన్ డాలర్లకు చేరుకుంది. ఇది పర్యావరణ సమతుల్యతకు ప్రాధాన్యతనిస్తుంది. డిజిటల్ ట్రాన్స్ ఫర్మేషన్: ఆన్లైన్ బుకింగ్ ప్లాట్ ఫారం ఏఐ ఆధారిత వ్యక్తిగతీకరణ, స్మార్ట్ హోటల్ రూములు, ప్రయాణ అనుభవాన్ని మెరుగు పరుస్తున్నాయి. 2026లో 75 శాతం ఆదాయం ఆన్లైన్ బుకింగ్ల ద్వారా వస్తుందని అంచనా.

వ్యక్తిగతీకరణ: 65 శాతం మంది ప్రయాణికులు వ్యక్తిగతీకరించిన అనుభవాలకు ప్రాధాన్యత ఇస్తారు. ఇందులో గమ్యస్థానాలు, వసతి, కార్యకలాపాలు ఉన్నాయి. ఈ ధోరణి 2025 నుండి 2035 వరకు 17.8 శాతం సిఎజిఆర్తో వృద్ధి చెందుతుందని భావిస్తున్నారు. సిఎజిఆర్ అంటే సంయోజిత వార్షిక వృద్ధి రేటు. ఒక నిర్దిష్ట కాలంలో (ఉదాహరణకు 5 లేదా 10 సంవత్సరాలు) పర్యాటక రంగంలో ఆదాయం, సందర్శకుల సంఖ్య లేదా పెట్టుబడులు ఎలాంటి స్థిరమైన సగటు వార్షిక వృద్ధి రేటుతో పెరుగుతున్నాయో చూపించే కొలమానం సిఎజిఆర్.

అడ్వెంచర్ వెల్నెస్ టూరిజం: అడ్వెంచర్ టూరిజం, స్లీప్ టూరిజం వంటి కొత్త రకాల పర్యాటకం పెరుగుతున్నాయి. స్లీప్ టూరిజం మార్కెట్ 2025 నుండి 2030 వరకు 12.4 శాతం సిఎజిఆర్ తో వృద్ధి చెందుతుందని అంచనా.