'ఆర్యభట్ట' నుంచి 'గగన్యాన్' వరకు..

అంతరిక్ష పరిశోధనా యాత్రల్లో దూసుకుపోతున్న 'నేటి కృత్రిమ మేధ యుగం వరకు విశ్వావిర్భావం

- - ఫిజిక్స్ అరుణ్కుమార్

అడవులలో నివసించే ఆదిమానవుల కాలం నుంచి అంతరిక్ష పరిశోధనా యాత్రల్లో దూసుకుపోతున్న 'నేటి కృత్రిమ మేధ యుగం వరకు విశ్వావిర్భావం, బిగ్ బ్యాంక్ థియరీ, డార్క్ మ్యాటర్, నక్షత్రాల, గ్రహాల గమనాల తదితర అంశాలకు సంబంధించి మానవుని అన్వేషణ, ఆసక్తి, అభిరుచి, జ్ఞాన శోధన, పరిశోధనల ప్రయత్నాల పరంపర వంటివి ఆగకుండా, అలుపన్నది లేకుండా కొనసాగుతూనే వుంది. ఇంకా కొనసాగుతూనే ఉంటుంది.

_ యం - 4 మిషన్లో భాగంగా 2025 జూన్ 25న అంతరిక్షంలోకి వెళ్లి, తదనంతరం అంతర్జాతీయ అంతరిక్ష కేంద్రంలో ప్రవేశించిన మొదటి భారతీయుడుగా చరిత్ర సృష్టించిన శుభాంశు శుక్లా జూన్ 28, 2025 నాటి తన డైరీలో రాసుకున్న అంతరంగపు అక్షర పరిమళ సొబగులను ఓసారి గమనిస్తే- ఈ రోజు నా జీవితంలో ఎంతో ప్రత్యేకమైన రోజు. మన ప్రధాని మోడీజీతో వీడియో కాల్లో మాట్లాడాను. వారు- "భూమి మీద నేను, ఐఎస్ఎస్లో మీరు భారత జాతీయ పతాకాన్ని అంతరిక్ష కేంద్రంలో ఎగురవేశారు" అని మోదీజీ అన్నప్పుడు ఎంతో గర్వంగా అనిపించింది. అదే మాట వారితో అన్నాను. ఈ ఘనత నా ఒక్కడిదే కాదు 140 కోట్ల మంది భారతీయులది అని. అందుకు మీరు మాతృభూమికి దూరంగా ఉన్నప్పటికీ కోట్లాది భారతీయుల హృదయాలకు దగ్గరగా ఉన్నారని మోడీజీ అన్నారు. ఆ మాట నా హృదయాన్ని తాకింది. నన్ను భావోద్వేగానికి గురిచేసింది”.

ఇలా సాగిన మోడీ శుక్లా సంభాషణ సందేశంతో భవిష్యత్ భారత పునాదులన్నీ వికసిత్ భారత్లో లక్ష్యంగా అంతరిక్ష ప్రయోగ విజయాల కృషికి ముడిపడి ఉందనేది మనమంతా అంగీకరించాల్సిన విషయం.

ఎన్నో శతాబ్దాలుగా మానవ నాగరికత పరిణామ క్రమంలో రాత్రిపూట ఆకాశ వీధుల్లో కనిపించే ఎన్నో అద్భుతాలు 'అంతరిక్ష అయస్కాంతం లా మనిషి కెమెరా కంటిని ఆకర్షిస్తూనే వున్నాయి. చిన్నప్పుడు పిల్లలు తినడానికి మారాం చేస్తే అమ్మ “చందమామ రావే, జాబిల్లి రావే" అని చందమామను చూపిస్తూ మాటలతో మరిపిస్తూ, మురిపిస్తూ గోరు వెన్నెల ముద్దలు తినిపించే స్థాయి నుంచి జాబిల్లి ఉపరితలాన్ని స్పర్శించే స్థాయికి ఎదిగింది మానవ మేధస్సు, కృషి. త్వరలోనే మన

అమ్మలందరూ నవ్యతరపు జోల పాట చందమామ ఉపరితలంపై పాడే రోజులు రాబోతున్నాయి. చుక్కల్లో జాబిల్లి మనకు ఎప్పటికీ ప్రత్యేకమే. మనకు లభించిన సహజ ఉపగ్రహం మన 'చందమామే'.