ఒక్క పండు చాలు..ఆరోగ్యానికి మేలు

ఆరోగ్యకరమైన ఆహారంలో పండ్లు ముఖ్యమైనవి. ఇవి ప్రకృతిలో వివిధ రుచులతో చెట్ల నుంచి వచ్చే తినే పదార్థాలు.

- డాక్టర్ కె.ఉమాదేవి

ఆరోగ్యకరమైన ఆహారంలో పండ్లు ముఖ్యమైనవి. ఇవి ప్రకృతిలో వివిధ రుచులతో చెట్ల నుంచి వచ్చే తినే పదార్థాలు. ఒకటి లేదా అంతకంటే ఎక్కువ పువ్వుల ఫలదీకరణం, పరిపక్వత ఫలితంగా ఒక పండు ఏర్పడుతుంది.

పండు అనేది పుష్పించే మొక్క కండగల భాగం. పండు నిర్మాణ శాస్త్రాన్ని ఆంగ్లంలో 'ఫ్రూట్ అనాటమీ' అంటారు. పండు ఉద్దేశం అభివృద్ధి సమయంలో విత్తనాల్ని రక్షించడం. అవి తరచుగా వివిధ రంగుల్ని, ఆహ్లాదకరమైన వాసన కలిగి వుంటాయి. ఇవి రకరకాల సైజుల్లో, ఆకృతిలో ఉంటాయి. ఇవి సహజసిద్ధమైన శాకాహారం. పురాతన కాలం నుంచి పండ్ల వాడకం రాతియుగం నుంచి ఉంది. పండు అనేది లాటిన్ పదం. ప్రక్టస్ నుండి వచ్చింది. దీని అర్థం ఆస్వాదించడం. ఇవి పుష్పించే మొక్కలలో విత్తనాన్ని కలిగి వుండే నిర్మాణం. వీటినే పండ్లు లేదా ఫలాలు అని అంటారు.

పండు నిర్మాణం:

ప్రతి పండులో 2-3 పొరలుంటాయి. 1) ఎక్సో కార్ప్ అంటే పండు పైచర్మాన్ని ఏర్పరిచే బయటి పొర. 2) సోకార్ప్.. అంటే కండగల జ్యూసీపొర. 3) ఎండోకార్ప్ అంటే లోపల విత్తనం ఉండే పొర. కొన్ని వాణిజ్య ఫలాల్లో విత్తన రహితమైన పండ్లు ఉన్నాయి. అవి అరటి, పైనాపిల్ మొదలైనవి.

పండ్ల రకాలు

పండ్ల రకాలు అనేవి అభివృద్ధి చెందిన అండాశయాల సంఖ్య, వాటి నిర్మాణంలో పాల్గొన్న పువ్వుల సంఖ్యని బట్టి రెండు రకాలు.

1) అవృత ఫలాలు: ఫలదీకరణం వల్ల అండాశయంతో పాటు మరి ఏ ఇతర పుష్పభాగం అయినా ఫలంగా పెరిగితే దాన్ని ఆవృత ఫలం అంటారు. ఉదా: ఆపిల్, జీడిమామిడి, స్ట్రాబెర్రీ.