బుజ్జిమేక సమయస్పూర్తి

నరసింహపురంలో శరభయ్య అనే మేకల కాపరి ఉండేవాడు.

- - సంగనభట్ల చిన్న రామకిష్టయ్య, ధర్మపురి

నరసింహపురంలో శరభయ్య అనే మేకల కాపరి ఉండేవాడు. అతడు రోజూ ఆ ' మేకలను గ్రామ సరిహద్దుల్లో మేపేవాడు.ఒకరోజు అతడు తన మేకలను తీసుకొని అడవి పొలిమేరలకు వెళ్లాడు. అక్కడ అతడు మేకలను మేపసాగాడు. ఆ మేకల మందలో ఒక బుజ్జి మేక కూడా ఉంది. అది చాలా తెలివైనది. ఎవ్వరికీ తెలియకుండా అది దగ్గరలో ఉన్న అడవికి ఒంటరిగా వెళ్ళింది. అది వెళ్లడం శరభయ్య గమనించలేదు. బుజ్జిమేకకు పెద్దపులిని చూడాలని చాలా కోరిక. అది ఎన్నడూ అడవిని కానీ, పెద్దపులిని కానీ చూడలేదు. బుజ్జిమేక అడవి దగ్గరికి వెళ్లగానే దాని ముందర ఒక పెద్దపులి ప్రత్యక్షమైంది. ఆ బుజ్జిమేక పెద్దపులిని చూసి ముందు చాలా భయపడింది. తనకు దాని చేతిలో చావు రాసిపెట్టి ఉందని అనుకుంది.అయితే ఆపదలో ధైర్యంగా ఉండి సమయస్ఫూర్తి ప్రదర్శించాలని తోటి మేకలు అన్న మాటలు దానికి జ్ఞాపకం వచ్చాయి.