భక్తి ఎల్లలు

భక్తి ఎల్లలు

- యామిజాల జగదీశ్

“నీకోసం నేను ఏం భక్తి ఎల్లలు చెయ్యడానికైనా సిద్ధమే అని అన్నాడొక వ్యక్తి. “సరే. నాకేమీ అక్కర్లేదు కానీ ఓ ఇప్పుడు అయిదు వందలు ఇవ్వు చాలు. రేపు తిరిగి ఇచ్చేస్తాను" అన్నాను నేను.

"అయ్యో చెప్పడం మరిచాను... నేను అర్జంటుగా ఓ మనిషిని కలవాల్సి ఉంది. మళ్ళీ కలుస్తాను" అని వెళ్ళిన ఆ మనిషి ఇప్పటి వరకూ కలవలేదు మళ్ళీ నన్ను. కనీసం ఎలా ఉన్నావని ఫోన్ కూడా చేయలేదు.

ఈ రోజుల్లో పరిస్థితి ఇది. అయితే నిజంగానే ఒకరి పట్ల నిజమైన ప్రేమ, అభిమానం చూపడం అనేది చాలా గొప్ప విషయం. భక్తితో ఉండటం అనేది వాటి కన్నా ఉన్నతమైన విషయం. భక్తి అంటే ఏదో ఆలయానికి వెళ్ళి దేవుడికి దణ్ణం పెట్టుకుని రావడం కాదు. భక్తి ఎల్లలు ఏమిటో తెలుసుకోవాలని ఉందా? అలాగైతే ఈ విషయం చదవండి.

మయూరశర్మ అని ఒకడుండేవాడు. అతనికి కృష్ణుడంటే మహా భక్తి. ఒకరోజు కృష్ణుడు అతనిని ఓమారు చూసి వెళ్లామని వచ్చాడు. కృష్ణుడిని చూడగానే అతనికి అంతులేని ఆనందం ఉండదా మరి! మామూలుగా అయితే భక్తులే కదా భగవంతుడిని ఏదైనా అడుగుతారు.

ఇక్కడ భగవంతుడే భక్తుడిని చూసి అడిగారు...

"ఇదిగో చూడు నాయనా... నిన్ను నేనొకటి అడుగుతాను. ఇస్తావా మరి?" అని అడిగాడు.

భక్తుడు కాదంటాడా. లేదంటాడా? ఇస్తానంటాడుగా! "మీరు ఏదడిగినా ఇవ్వడానికి నేను సిద్ధంగా ఉన్నాను” అన్నాడు మయూరశర్మ.

“నీకో కొడుకు ఉన్నాడు కదా..! అయిదేళ్ల వయస్సున్న ఆ కుర్రాడు నాకు కావాలి" అన్నాడు భగవంతుడు.