పచ్చని లైఫ్ లో'సోషల్' చిచ్చు!

నేడు ప్రపంచ వ్యాప్తంగా వాడిగా, వేడిగా నడుస్తున్న అంశం సోషల్ మీడియా.తెలుగులో వీటిని సామాజిక మాధ్యమాలు అంటారు.

- షేక్ అబ్దుల్ హకీం జాని

నేడు ప్రపంచ వ్యాప్తంగా వాడిగా, వేడిగా నడుస్తున్న అంశం సోషల్ మీడియా.తెలుగులో వీటిని సామాజిక మాధ్యమాలు అంటారు. ఒకప్పుడు ఒక విషయం గురించి తెలుసుకోవాలంటే దృశ్య, శ్రవణ మాధ్యమాలు, పత్రికలపైనే ఆధారపడేవాళ్ళం. ఈ ప్రసార మాధ్యమాలు బాధ్యతతో వ్యవహరిస్తాయి. నేడు సామాజిక మాధ్యమాలు రంగప్రవేశం చేశాక వాటి ద్వారా అనేక విషయాలు క్షణాలలో స్మార్ట్ఫోన్ల ద్వారా ప్రజలకు చేరుతున్నాయి. దృశ్య, శ్రవణ మాధ్యమాలు, పత్రికలలో వార్తలను పది మంది మేధావులు పరిశీలించి, ఆలోచించి, అభ్యంతరకరమైన వాటిని తొలగించి ప్రజలకు అందిస్తుంటారు. సామాజిక మాధ్యమాలలో వీటికి తావులేదు. ఎవరి వారే మేథావి. స్మార్ట్ఫోన్లు చేతిలో ఉంటే చాలు మనం చెప్పిందే వేదం, మనం పాడిందే నాదం, మనం ఇచ్చిందే నినాదం అన్నట్లు తయారైంది. సామాజిక మాధ్యమాలలో బాధ్యతారాహిత్య అధికంగా కనిపిస్తుంది. భారతదేశంలో సామాజిక మాధ్యమాలను దుర్వినియోగం చేసినంతగా ప్రపంచంలో ఏ దేశంలో చేయరని పలు సర్వేల్లో వెల్లడైంది. ప్రపంచవ్యాప్తంగా సామాజిక మాధ్యమ వేదికలో చేరేవారి సంఖ్య రోజురోజుకూ పెరిగిపోతుంది. అంటే ఈ రంగం ఎంత వేగంగా దూసుకుపోతుందో అర్థం చేసుకోవచ్చు. ప్రాథమికంగా అంతర్జాల, సెల్యులర్ ఫోన్ సాంకేతిక ఆధారాలను అనువర్తింప జేసుకొని, అసంఖ్యాక వినియోగదారుల మధ్య సమాచారాన్ని పంచుకోవడానికి అభివృద్ధి చేసుకున్న సాధనాలను సామాజిక మాధ్యమాలు అంటారు. సాధారణ వ్యక్తులకు ఫేస్బుక్, వాట్సప్, ట్విట్టర్, స్నాపట్, ఇస్టాగ్రామ్, లింకెడ్ఆన్, యూట్యూబ్ మాత్రమే ఎక్కువగా తెలుసు. ఇవి కాక అనేక వెబ్సైట్లు ఉన్నాయి. లీడర్ నెట్, బ్లాగ్స్, వికిపీడియా, డైలీమోషన్, వర్డ్ వార్ క్రాఫ్ట్, సెకండ్ లైఫ్ ఇవన్నీ సామాజిక మాధ్యమాల కోవకు చెందుతాయి.ఇంకా చర్చా వేదికలకు ఉపయోగపడే రెడ్డిట్, క్వా, డిగ్, బుక్ మార్కింగ్ అండ్ కంటెంట్ క్యూరేషన్, నెట్వరైన ప్రింటరెస్ట్, ఫ్లిపీబోర్డ్, కంన్స్యూమర్నెట్వర్క్ ఉపయోగపడుతున్న యాప్, జోమోటో, ట్రిప్యాడ్ జ్వర్, బ్లాగింగ్ అండ్ పబ్లిషింగ్ నెట్వర్క్ గా ప్రసిద్ధి చెందిన వర్డ్ ప్రెస్, టుంబిర్, సోషల్ షాపింగ్ నెట్వర్ ప్రసంసలందుకుంటున్న పాల్వీర్, ఎట్సీ, ఇవి కాక ఫ్యాన్సీ, ఆసక్తి ఆధారిత నెట్వర్క్ లైన గుడ్డ్స్ హవుజ్జీ, లాస్ట్ డాట్ ఎఫ్ఎం ఇలా చెప్పుకుంటూ పోతే అనేక రకాల సామాజిక మాధ్యమాలు ఉన్నాయి.సాంకేతిక పరిజ్ఞాన శక్తితో సామాన్య భారతీయులను మరింత బలోపేతం చేసిన డిజిటల్ ఇండియా కార్యక్రమం ఇప్పుడు ఒక భారీ ఉద్యమంగా రూ