దర్శనీయ మసీదులు

భారతదేశంలో మన పూర్వీకులు అనేక అద్భుతమైన మసీదులు నిర్మించారు.

- షేక్ అబ్దుల్ హకీం జాని

అవి ఒకదాన్ని మించి మరొకటి అన్నట్లు చక్కటి శిల్పకళా వైభవంతో విరాజిల్లుతున్నాయి. అందరూ మసీదు అని పిలిచినప్పటికీ గ్రాంధికంగా 'మస్జిద్' అంటారు. ప్రతిరోజూ అయిదు పూటల 'అల్లాహు అక్బర్' అని మస్జిద్ నుండి అజా పిలుపు వినగానే ముస్లింలు నమాజ్ చేయడానికి మస్జిద్కు వెళతారు.

జామా మసీదు

భారతదేశంలోని అతి పెద్ద మస్జిద్ ఢిల్లీ మహానగరంలోని జామా మసీద్.జామా మసీదు అంటే శుక్రవారపు ప్రార్థనలకు ఉద్దేశించిన సార్వత్రిక మసీదు అని చెప్తుంటారు. దీని అసలు పేరు మస్జిద్-ఏ-జహాన్-సుమా.ప్రపంచ వీక్షణా మస్జిద్ అని దీని అర్థం. జామా మసీదు ఢిల్లీలోని చాందినీ చౌక్ ప్రాంతంలో ఉంది. ఇది ఎర్ర ఇసుక రాతితో నిర్మించారు. ఇది మన దేశంలోనే అతి పెద్ద మసీదు. దీన్ని అయిదవ మొఘల్ చక్రవర్తి షాజహాన్ నిర్మించాడు.ప్రపంచ ఐక్యత చిహ్నంగా ఉండాలనే దృష్టితో షాజహాన్ చక్రవర్తి జామా మసీదును నిర్మించినట్లు చరిత్రకారులు పలు గ్రంథాలలో పేర్కొన్నారు.దీనికి మూడు ద్వారాలున్నాయి.ఒక్కొక్కటి 40 మీటర్ల ఎత్తులో వుంది.మొదటి ద్వారం: ఎర్రకోటకు అభిముఖంగా ఉన్న బాధా దర్వాజా, రెండోది: ఉత్తరం వైపునున్న దరీబా ద్వారం, మూడోది: మటియా మహల్ వైపుకు అభిముఖంగా ఉంటుంది.మసీదులోని అతి పెద్ద ప్రాంగణంలో పెద్ద జలాశయాన్ని ఏర్పాటు చేశారు.ఒకప్పుడు బావుల్లోని నీటితో ఈ జలాశయాన్ని నింపేవారు. ఇప్పుడు నదుల్లోని నీటితో నింపుతున్నారు. ఎర్ర ఇసుకరాయి, తెల్ల పాలరాతితో నిర్మితమైనది. నాలుగు మూలలా డోములు వున్నాయి. 20,000 మంది భక్తులు ఒకేసారి కూర్చుని నమాజ్ చేసుకునే విధంగా విశాలమైన ప్రాంగణంతో దీన్ని నిర్మించారు. షాజహాన్ చక్రవర్తి ఈ మసీదును మస్జిద్-ఏ-జహాన్ - సుమా అని పిలిచేవారు. మౌల్వీ సయద్ అబ్దుల్ గఫూర్ షా జామా మస్జిద్కు తొలి ఇమాంగా నియమితులైనారు. జామా మసీదు పొడవు 201 అడుగులు, వెడల్పు 120 అడుగులు, ఎత్తు 130 అడుగులు. ముఖ్య భాగాలను పాలరాతితో, మిగిలిన భాగాలు ఎర్ర రాతిని ఉపయోగించి జామా మసీదును నిర్మించారు.

మక్కా మసీదు