పరమశివుడిని చూసిన తృప్తి

మానస సరోవరం, కైలాస పర్వతాలను సందర్శించడం  అపురూపమైన అదృష్టం. హిందువులు పవిత్రంగా భావించే 'మానస సరోవరం, కైలాస పర్వత దర్శనం ఒకప్పుడు కల. మానస సరోవరం అంటే దేవతలు స్నానం చేసే(సరస్సు) అని పురాణాలు, స్మృతులు చెబుతున్నాయి.

- - కొణిదెన రవికుమార్, సత్యవతి

మానస సరోవరం, కైలాస పర్వతాలను సందర్శించడం  అపురూపమైన అదృష్టం. హిందువులు పవిత్రంగా భావించే 'మానస సరోవరం, కైలాస పర్వత దర్శనం ఒకప్పుడు కల. మానస సరోవరం అంటే దేవతలు స్నానం చేసే(సరస్సు) అని పురాణాలు, స్మృతులు చెబుతున్నాయి. బ్రహ్మదేవుడు మనసులో ఊహించి ఆవిష్కరించిన సరోవరం కనుక మానస సంవరం అని పురాణాలు చెబుతాయి.ఇది భారత్, నేపాల్, టిబెట్ ప్రజలకు పవిత్ర తీర్థం. హిందువులతో పాటు మానస సరోవరాన్ని బౌద్ధులు, జైనులు కూడా సందర్శిస్తారు. మే నెల నుంచి ఆగస్టు వరకు అక్కడ వేసవి కాలం.తర్వాత రుతుపవనాల కాలం అక్టోబర్ వరకు యాత్ర అనుకూలంగా ఉంటుంది.ఆ తర్వాత చలి మైనస్ 15 డిగ్రీల వరకు వెళుతుంది. ఎండాకాలం గరిష్టంగా 15 డిగ్రీలు ఉంటుంది.సరోవరం 300 అడుగుల లోతు, 88 మీటర్ల చుట్టుకొలత 320 చ.కి.మీటర్ల ఉపరితలంగా ఉంది. నీరు నీలి రంగులో ఉండి, సరోవరం మధ్యలో మరకత వర్ణంలో కనిపిస్తుంది. ఈ సరోవరం జలమే బ్రహ్మపుత్ర, సింధు, కర్ణాలీ, సట్లెజ్ నదులలో ప్రవహిస్తుంది.ఈ యాత్రతో ఈ జీవితానికి ఇది చాలు అన్న సంతృప్తి కలిగింది. మానస సరోవరం, కైలాస పర్వతాలను సందర్శించడం మాటల్లో చెప్పలేని ఆధ్యాత్మిక ఆనందం కలిగింది.కైలాసగిరిని చూస్తుంటే ఆ పరమేశ్వరుని ఈ చక్షువులతో చూసినంత ఆనందం కలిగింది. వృద్ధులకు కొంచెం కష్టతరమైన యాత్ర ఇది. అందుకే మేం నడి వయస్సులో చూడాలన్న బలమైన కాంక్షతో బయలుదేరాం.