బోనాలు నిర్వహణకు రూ. 20 కోట్లు

ఉత్సవ క్యాలెండర్, పోస్టర్లను విడుదల చేసిన మంత్రులు నగరవ్యాప్తంగా 14 ప్రాంతాల్లో త్రీడి మ్యాపింగ్ ఏర్పాట్లు నేటి నుంచి ఆగస్టు 4 వరకు ఘనంగా వేడుకలు: దేవాదాయ శాఖ మంత్రి కొండా సురేఖ

- 

బోనాల పండుగ క్యాలెండర్, పోస్టర్లను విడుదల చేస్తున్న మంత్రులు కొండా సురేఖ, పొన్నం, ఎమ్మెల్యే దానం నాగేందర్ తదితరులు

హైదరాబాద్ (బేగంపేట), జులై 6, ప్రభాతవార్త: తెలంగాణ ఆషాడ మాస బోనాల దశాబ్ది ఉత్సవాలను ఆర్భాటంగా, అత్యంత వైభవంగా నిర్వహించనున్నట్లు దేవాదాయ శాఖ మంత్రి కొండా సురేఖ తెలిపారు. శనివారం బేగంపేట హరిత టూరిజం జా బోనాల దశాబ్ది ఉత్సవాలు - 2024 ఏర్పాట్లకు సంబంధించిన చెక్కులను దేవాలయాల కమిటీలకు పంపిణీ కార్యక్రమంలో మంత్రులు పొన్నం ప్రభాకర్, కొండా సురేఖ ముఖ్యఅతిధులుగా పాల్గొన్నారు. ఈ సందర్భంగా మంత్రి మాట్లాడుతూ యేటా జరిగే బోనాల జాతరను గత సంవత్సరం కంటే ఈ యేడాది మరింత ఆర్భాటంగా, అత్యంత వైభవంగా నిర్వహించనున్నట్లు వెల్లడించారు. బోనాలు, దశాబ్ది ఉత్సవాల నిర్వహణ 20కోట్లు నిధులు కోసం కేటాయించిందన్నారు. ఉత్సవాలను పకడ్బందీగా నిర్వహించేందుకు ఈ నెల 15 డాక్టర్ మర్రి చెన్నారెడ్డి మానవవనరుల అభివృద్ధి (ఎంసీహెచార్డీ)లో రాష్ట్ర స్థాయి అధికారులతో సమావేశంతో మరో మూడు సమావేశాలు నిర్వహిస్తామన్నారు.ఈ నెల 7 నుంచి ఆగస్టు 4 వరకు నిర్వహించే బోనాలు ఏ దేవాలయంలో ఏ రోజు నిర్వహిస్తారు అనే వివరాలతో కూడిన కరపత్రాన్ని వాట్సప్ ద్వారా, ఇతర మార్గాల ద్వారా విస్తృత ప్రచారం చేయాలని కమిటీ సభ్యులను కోరారు.