શાહઆલમનો યુવક છેતરાયોઃ મિત્રએ જ ધંધો કરવાનું કહી 72 લાખનો ચૂનો લગાવ્યો

કાફેમાં આગ લાગતાં મિત્રએ ક્રેડિટ કાર્ડ સ્વાઇપ મશીનનો ધંધો કરવાનું કહીને ઠગાઇ કરી મિત્રના વિશ્વાસઘાત અંગેની ફરિયાદ નોંધી સાયબર ક્રાઇમ બ્રાંચે તપાસ શરૂ કરી

પોતાના કાફે આગ લાગતાં શાહઆલમના યુવાને કાફે બંધ કરી દીધું હતું. ત્યારેજ તેના એક મિત્રએ તેને પોતાની સાથે ક્રેડિટ કાર્ડ સ્વાઇપ મશીનનો ધંધો કરવાનું કહી ભાગીદારી કરી હતી. મિત્રએ વેપારીની જાણ બહાર જ એકાઉન્ટમાંથી 72 લાખના વ્યવહારો કરી તેને ચૂનો લગાવ્યા હતો. મિત્રથી છેતરાયેલા વેપારીએ આ બાબતે સાયબર ક્રાઇમ બ્રાંચમાં ફરિયાદ નોંધાવતાં પોલીસે વધુ તપાસ આદરી છે.