6% வரை சம்பள உயர்வு

சில்லறை வணிகத் துறை குறைந்த வருமான ஊழியர்களுக்கு $130 - $160 சம்பளம் கூடும்

- 

சில்லறை வணிகத் துறையின் குறைந்த வருமான ஊழியர்களுக்கு அடுத்த மூன்று ஆண்டுகளில் ஆண்டுதோறும் 5.1 விழுக்காடு முதல் 6 விழுக்காடு வரை சம்பள உயர்வு கிடைக்கவிருக்கிறது.

அடுத்த மாதத்திலிருந்து (செப்டம்பர்) 2028ஆம் ஆண்டு ஆகஸ்ட் 31ஆம் தேதிவரை சில்லறை வணிகத் துறையின் குறைந்த வருமான ஊழியர்களுக்குக் கிடைக்கவிருக்கும் ஊதிய உயர்வு ஆண்டுக்கு $130க்கும் $160க்கும் இடைப்பட்டிருக்கும்.

2027ஆம் ஆண்டு செப்டம்பர் முதல் தேதியிலிருந்து கொடுக்கப்படும் ஊதிய உயர்வு 2026ன் மறுஆய்வைப் பொறுத்து அமை யும். பொருளியல் நிலவரம் மேம்பட்டால் அது மேல்நோக்கித் திருத்தப்படும்.

சில்லறை வணிகத் துறைக்கான முத்தரப்புக் குழுமம் (டிசிஆர்) நேற்று (ஆகஸ்ட் 11) அதனை அறிவித்தது. படிப்படியாக உயரும் சம்பள முறை குறித்த புதிய பரிந்துரைகளை அரசாங்கம் ஏற்றுக்கொண்டதைத் தொடர்ந்து குழுமத்தின் அறிவிப்பு வந்துள்ளது.