இடருறும் சாத்தியமுள்ள இளையர்களுக்குக் கைகொடுக்கும் ‘இம்பார்ட்’

‘கேபோட்ஸ்’ எனப்படும் போதைப்பொருள் தோய்ந்த மின்சிகரெட்டுகளின் பாதிப்புகள் குறித்து இடருறும் சாத்தியமுள்ள இளையர்களுக்கு (youth-at-risk) மனநல ஆலோசகர்கள் எச்சரித்து வருகின்றனர்.

- 

அவற்றால் தங்களின் உடல்நலத்திற்கும் பாதுகாப்பிற்கும் விளையும் தீங்கு பற்றிய விழிப்புணர்வு இளையர்களிடையே அதிகரிக்க வேண்டும் என்கிறார் இளையர்நல ஆர்வலர் குழுவான ‘இம்பார்ட்’ நிறுவனத்தின் தலைவர் நரசிம்மன் திவாசிகமணி, 40 (படம்).

2019ல் தொடங்கிய இக்குழுவில் தற்போது தொண்டூழியர்கள் 226 பேர் இணைந்துள்ளனர்.

‘கேபோட்ஸ்’ மின்சிகரெட்டுகளைப் புழங்கிய இளையர்கள் ஏறத்தாழ 20 பேரைத் தங்கள் குழுவினர் சந்தித்துள்ளதாகத் திரு நரசிம்மன் தெரிவித்தார்.

‘எட்டோமிடேட்’ போன்ற மயக்க மருந்துகளைக் கொண்டுள்ள அந்த மின்சிகரெட்டுகளை நுகர்வோருக்கு லேசான மயக்கநிலை ஏற்படுகிறது.