சங்கிலியின் பின்னால் யார்?

போதைப்பொருள் உற்பத்திக்குப் பயன்படுத்தப்படும் இரசாயனங்களைக் கடத்துவதற்குப் பயன்படுத்தப்பட்ட கொள்கலன்களின் உரிமையாளர்களுடன் தொடர்புடைய அரசியல்வாதிகளின் புகைப்படங்கள் எமக்குக் கிடைத்துள்ளன. இந்த அரசியல்வாதிகளே போதைப்பொருள் விநியோக சங்கிலியின் பின்னால் உள்ளனர். இது தொடர்பில் தீவிர விசாரணைகள் முன்னெடுக்கப்பட்டு அவர்கள் தராதரமின்றிச் சட்டத்தின் முன் நிறுத்தப்படுவார்கள் எனப் பொது மக்கள் பாதுகாப்புப் பிரதி அமைச்சர் சுனில் வட்டகல தெரிவித்தார்.

- 

ஹோமகமவில் சனிக்கிழமை (06) அன்று இடம்பெற்ற கூட்டமொன்றில் கலந்துகொண்டு உரையாற்றும் போதே இவ்வாறு தெரிவித்த அவர் மேலும் தெரிவிக்கையில், போதைப்பொருள் தயாரிப்புக்குப் பயன்படுத்தப்படும் இரசாயனங்களைக் கடத்துவதற்குப் பயன்படுத்தப்பட்ட கொள்கலன்களின் உரிமையாளர்களுடன் தொடர்புடைய அரசியல்வாதிகளே இந்தப் புகைப்படங்களில் உள்ளனர். இவற்றின் ஊடாகப் போதைப்பொருள் தயாரிக்கப்பட்டு விநியோகிக்கப்பட்டிருந்தால் முழு நாடும் சீரழிவதற்கு அது வழிவகுத்திருக்கும்.