திருநங்கைகளுக்கு கலைஞர் கனவு இல்லம் திட்டத்தின்கீழ், வீடு கட்டுவதற்கான ஆணை விழுப்புரம் மாவட்ட ஆட்சித்தலைவர் வழங்கினார்

விழுப்புரம் மாவட்ட ஆட்சியர் அலுவலகத்தில். ஊரக வளர்ச்சித்துறை சார்பில், திருவெண்ணெய்நல்லூர் ஊராட்சி ஒன்றியம், சேமமங்கலம் ஊராட் சியினைச் சேர்ந்த திருநங்கைளுக்கு கலைஞர் கனவு இல்லம் திட்டத்தின்கீழ், வீடு கட்டுவதற்கான ஆணையினை மாவட்ட ஆட்சித்தலைவர் ஷே. ஷேக் அப்துல் ரஹ்மான், (19.05.2025) அன்று வழங்கினார்.

- 

மாவட்ட ஆட்சித்தலைவர் தெரிவிக்கையில், தமிழ்நாடு முதலமைச்சர் மு.க.ஸ்டாலின், தமிழ்நாட்டில் குடிசைகள் இல்லா நிலையினை உருவாக்கிட வேண்டும் என்ற உயர்ந்த நோக்கத்திலும், குடிசை வீடுகளில் வசிக்கும் ஏழை, எளிய மக்களும் கான்கிரிட் வீடு கட்டி பயனடைந்திட வேண்டும் என்ற உயர்ந்த எண்ணத்திலும் கலைஞர் கனவு இல்லம் திட்டத்தின்கீழ், குடிசைவீடுகளில் வசிப்பவர்களுக்கு கான்கிரிட் வீடுகள் கட்டித்தர உத்தரவிட்டுள்ளார்கள். அதனடிப்படையில், விழுப்புரம் மாவட்டத்தில், கலைஞர்கனவு இல்லம் திட்டத்தின்கீழ், குடியிருப்பு வீடுகள் கட்டிக் கொடுக்கப்பட்டு வருகிறது.