భారీగా పెరిగిన గ్యాస్ ధరలు

2026 నూతన సంవత్సరం మొదటి రోజే వాణిజ్య గ్యాస్ సిలిండర్ ధరలను భారీగా పెంచుతూ నిర్ణయం తీసుకున్నాయి.

- 

కొత్త సంవత్సరం వేడుకల్లో ఉన్న సామాన్యులకు, వ్యాపారులకు చమురు సంస్థలు షాక్ ఇచ్చాయి. 2026 నూతన సంవత్సరం మొదటి రోజే వాణిజ్య గ్యాస్ సిలిండర్ ధరలను భారీగా పెంచుతూ నిర్ణయం తీసుకున్నాయి. దేశవ్యాప్తంగా 19 కిలోల కమర్షియల్ ఎల్పీజీ సిలిండర్ ధరను సుమారు రూ.111 మేర పెంచారు. ఈ కొత్త ధరలు ఈ రోజు (జనవరి 1, 2026) నుంచే అమలులోకి వచ్చాయి. అయితే, గృహిణులకు ఊరటనిస్తూ 14.2 కిలోల డొమెస్టిక్ (ఇంటి అవసరాలకు వాడే) గ్యాస్ సిలిండర్ ధరలో ఎలాంటి మార్పు చేయలేదు.