શ્રીકાંત બુરેડ્ડી સાથેના બ્રેકઅપ બાદ એક્ટ્રેસ સના મકબૂલનું દર્દ છલકાયું

સના મકબૂલ અને બિઝનેસમેન શ્રીકાંત બુરેડ્ડી ટૂંક સમયમાં લગ્ન કરવાનાં હતાં, પરંતુ વર્ષ ૨૦૨૬ની શરૂઆતમાં જ બંનેએ પરસ્પર સંમતિથી અલગ થવાનો નિર્ણય કર્યો.

- 

‘બિગ બોસ OTT 3'ની વિજેતા બન્યા બાદ સના મકબૂલની લોકપ્રિયતા આસમાને પહોંચી છે. શો જીત્યા પછી તે ઘર-ઘરમાં જાણીતી બની ગઈ, પરંતુ આ સફળતા તેના અંગત જીવન માટે એક પડકાર સાબિત થઈ. જે સમયે ચાહકો તેનાં લગ્નની જાહેરાતની રાહ જોઈ રહ્યા હતા તે જ સમયે સનાના જીવનમાં એક મોટું તોફાન આવ્યું અને તેનો લાંબા સમયથી ચાલી રહેલો સંબંધ તૂટી ગયો. આ વાતને લઈ અભિનેત્રીએ હવે પહેલી વાર મૌન તોડીને પોતાના બ્રેકઅપ પાછળનાં કારણો શેર કર્યાં છે.