APMCથી મહાત્મા મંદિર સુધીની પહેલી મેટ્રો રેલ વહેલી સવારે ઉપડી

અમદાવાદથી ગાંધીનગર જવા માટે મેટ્રો રેલનો આજથી પ્રારંભઃ ૧.૧૮ કલાકમાં ૪૨ કિલોમીટરનું અંતર કાપશે

- 

અમદાવાદથી ગાંધીનગ૨ પોતાનું વાહન ચલાવીને જવાથી થાકી જાવ છો અથવા તો કંટાળો આવી રહ્યો છે તો હવે ચિંતા કરવાની કોઈ જરૂર નથી. આજથી તમે મેટ્રોમાં બેસીને ગણતરીની મિનિટોમાં અમદાવાદથી ગાંધીનગર અપડાઉન કરી શકશો. અમદાવાદથી ગાંધીનગરની મુસાફરી હવે મેટ્રો રેલમાં થઈ શકશે. વડા પ્રધાન નરેન્દ્ર મોદીએ લોકાર્પણ કર્યા બાદ આજથી ગુજરાત મેટ્રો રેલ કોર્પોરેશન દ્વારા સત્તાવાર રીતે રેલ શરૂ કરી દેવાઈ છે.

અમદાવાદ અને ગાંધીનગર શહેરનાં પરિવહનમાં એક નવું પીંછું ઉમેરાયું છે. મેટ્રોમાં મુસાફરી કરતા લોકો માટે આ એક સારા સમાચાર છે. આજથી મેટ્રો અમદાવાદથી ગાંધીનગર સુધી લંબાવાઇ છે. આજથી તમે ગાંધીનગર સુધીની મુસાફરી મેટ્રોમાં કરી શકશો, જેનો પ્રારંભ વહેલી સવારથી શરૂ થઈ ગયો છે.