શિયાળાની સિઝનમાં જ નીરોનું ઉત્પાદન ઘટ્યું; આરોગ્યપ્રેમી અમદાવાદીઓ નિરાશ

લાંબું ચોમાસું, સ્કિલ્ડ મજૂરની અછત અને વેચાણતાં લાઈસન્સમાં વિલંબના કારણે નીરો ઉત્પાદનને ફટકો

- 

શિયાળાની શરૂઆત સાથે જ અમદાવાદ સહિત રાજ્યભરમાં આરોગ્યવર્ધક પીણાંની માગ વધે છે, મોર્નિંગ વોકમાં નીકળતા અમદાવાદીઓ ચાલીને એક્સર્સાઇઝ કરીને આરોગ્યવર્ધક પીણાં સૂપ વગેરે પીને જ ઘેર જાય છે ત્યારે આયુર્વેદમાં અમૃત સમાન ગણાતા તાડનો નીરો આ વર્ષે દુર્લભ બન્યો છે. લાંબું ચોમાસું, લાઈસન્સ પ્રક્રિયામાં વિલંબ અને કુશળ મજૂરની અછતને કારણે નીરો ઉત્પાદન પર ગંભીર અસર પડી છે. જ્યાં વહેલી સવારથી નીરોપ્રેમીઓની ભીડ ઊમટતી હતી, ત્યાં આજે નિરાશા અને અછતનું દૃશ્ય જોવા મળી રહ્યું છે.

આમ શિયાળો એટલે આરોગ્યવર્ધક પીણાં અને પરંપરાગત વાનગીઓ આરોગવાની મોસમ. તાડના ઝાડ પરથી કુદરતી રીતે મળતો નીરો આયુર્વેદમાં વિશેષ સ્થાન ધરાવે છે. આ વર્ષે દક્ષિણ ગુજરાતમાં નીરોપ્રેમીઓ માટે નિરાશાજનક પરિસ્થિતિ સર્જાઈ છે. છ મહિનાનું લાંબું ચોમાસું, સ્કિલ્ડ મજૂરની અછત અને નીરો વેચાણનાં લાઈસન્સમાં વિલંબને કારણે નીરો ઉત્પાદનને ભારે ફટકો પડ્યો છે.

મજૂરોની ગંભીર અછત ઊભી થઈ