શોપિંગ ક્રેઝી અમદાવાદીઓ આનંદોઃ કાલથી ખરીદીના મહોત્સવનો પ્રારંભ

આગામી ૧૬ જાન્યુઆરી સુધી ચાલનારા અમદાવાદ શોપિંગ ફેસ્ટિવલનું કેન્દ્રીય ગૃહપ્રધાન અમિત શાહ ઉદ્ઘાટન કરશે

- 

અમદાવાદીઓ ખાણી-પીણી તેમજ હરવા-ફરવાનો શોખ તો ધરાવે જ છે, પરંતુ તેમનો ખરીદી કરવાનો શોખ એવો ગજબ છે, જે તેમને બીજા લોકો કરતાં અલગ પાડે છે. અમદાવાદીઓ ખરીદીના એટલા દીવાના છે કે તહેવાર વગર પણ તેઓ મન મૂકીને જાતજાતની ચીજવસ્તુઓની ખરીદી કરતા હોય છે. શોપિગ ક્રેઝી શહેરીજનોની આતુરતાનો અંત આવી ગયો છે, કારણ કે આવતી કાલથી અમદાવાદ શોપિંગ ફેસ્ટિવલનો ધમાકેદાર પ્રારંભ થઈ રહ્યો છે. ઘરઆંગણે શોપિંગનો અનોખો અવસર આવ્યો છે એટલે ૪૨ દિવસ સુધી જે ખરીદવું હોય એટલું ખરીદી લેજો.