Reffies groet onnies met plant van bome

'n Boom staan vir ewig.

- Maretha Swanepoel

Hy anker homself in die grond, gee skaduwee in die somer en deel soms selfs vrugte uit. Bome is die tuiste van verskeie insekte en voëls. Net so is 'n onderwyser iemand wat elke dag met leerders werk, 'n standvastige teenwoordigheid.Die onderwyser vou haar arms om die kinders soos die takke van 'n boom, en help hulle om, deur haar voorbeeld, geanker te bly. Soos 'n boom sy blare afskud, deel sy raad en lewenslesse uit. In haar hart is daar plek vir elke leerder - dié wat reeds deur haar klas beweeg het, en dié wat nog sal kom - net soos die voëls en insekte wat hul tuistes in 'n boom vind.