Geure lok ondersteuners na MOTHS se potjiekoskompetisie

'n Potjiekoskompetisie was nog altyd 'n gewilde saamkomplek en verlede Saterdag se potjiekoskompetisie wat deur die Botha Skuilgat van die Agbare Orde van die Staaldakke (MOTHS) aangebied is, was nie 'n uitsondering nie.

- Barry Viljoen

Die terrein by die Peacehaven Behuisingsprojek was vroegoggend reeds 'n miernes terwyl deelnemende spanne opgedaag het om hul stalletjies, wat ook beoordeel is, op te slaan in 'n poging om die beoordelaars te beïndruk.

Beoordelaars Kelly Fowlds en Jeanne Smith het 'n moeilike taak gehad om die wenners te bepaal en moes meer as een keer proe om tot 'n beslissing te kom. Die spanlede het natuurlik hul beste voorgesit om seker te maak dat hul stalletjies en uitrustings die nodige atmosfeer skep om die beoordelaars se aandag te trek.