அமைச்சர் பதவி கிடைக்காததால் ஏமாற்றம்: வேலுமணி அணியினர் சிலர் எடப்பாடி பக்கம் தாவ திட்டம்!

ஆலோசனைக் கூட்டத்தை புறக்கணித்தார்கள்!!

- 

தமிழக வெற்றிக் கழகத்தில் வி.எம்.பி. அப்து, மாவட்டச் செயலாளர் வேல்முருகன் தலைமையில் இணைந்த காட்சி. அருகில் பரத் மற்றும் பலர் உள்ளனர்.

அமைச்சர் பதவி கிடைக்காததால் வேலுமணி தரப்பைச் சேர்ந்த சிலர் விரக்தி அடைந்துள்ளார்கள். அதனால் அவர்கள் மீண்டும் எடப்பாடி பக்கம் தாவ முடிவு செய்திருப்பதாக தெரிகிறது. ஆகவே நேற்றைய ஆலோசனைக் கூட்டத்தையும் புறக்கணித்துள்ளார்கள்.

சட்டசபைத் தேர்தலில் அ.தி.மு.க. படுதோல்வி அடைந்து 3-ஆவது இடத்துக்கு தள்ளப்பட்டது. 2021 தேர்தலில் 66 இடங்களைப் பெற்றது. இப்போது 47 இடங்களாக சுருங்கிவிட்டது.

இதனால் அந்தக் கட்சியின் மூத்த தலைவர்கள் மத்தியில் அதிருப்தி ஏற்பட்டது. சி.வி. சண்முகம் - வேலுமணி தலைமையில் ஒரு தரப்பினர் தனி அணியாக செயல்படத் தொடங்கினார்கள்.

அவர்கள் விஜயை ஆதரிக்க தொடங்கினர். சட்டசபையில் நடந்த நம்பிக்கை வாக்கெடுப்பிலும் விஜய்க்கு ஆதரவாக ஓட்டுப்போட்டார்கள். அந்த வகையில் 25 எம்.எல்.ஏ.க்கள் அவரை ஆதரித்தனர்.