என்னுடைய உழைப்பு அனைத்தும் வீணானது: என்னை 1999-ல் கர்நாடக முதல்வராக அறிவிக்காமல் தவிர்த்து விட்டனர்!

1999 தேர்தல் மூலம் என்னை முதலமைச்சராக்காமல் தவிர்த்துவிட்டனர் என்று மல்லிகார்ஜூன கார்கே கூறியிருக்கிறார். அப்போது என்னுடைய உழைப்பு அனைத்தும் வீணாகி விட்டதாகவும் குறிப்பிட்டுள்ளார்.

- 

அகில இந்திய காங்கிரஸ் தலைவராக இருப்பவர் மல்லிகார்ஜூன கார்கே. காங்கிரசில் உள்ள மூத்த தலைவர்களில் முக்கியமானவர். கர்நாடகத்தைச் சேர்ந்தவர். தாழ்த்தப்பட்ட வகுப்பில் பிறந்தவர்.

இவர் தொடக்க காலத்தில் கர்நாடக அரசியலில் ஈடுபட்டார். எஸ்.எம். கிருஷ்ணா முதலமைச்சராக இருந்தபோதும், அதற்குப் பின்னரும் மாநில அமைச்சராகவும் இருந்தார்.

2009-ஆம் ஆண்டு பாராளுமன்றத் தேர்தலில் வெற்றி பெற்று மத்திய தொழிலாளர் துறை அமைச்சராக பொறுப்பேற்றார். மேலும் ரெயில்வே மற்றும் சமூக நீதித்துறை அமைச்சராகவும் பணியாற்றினார்.