75ന്റെ നിറവിൽ മലയാളത്തിന്റെ അമ്പിളിക്കല

ജഗതിയെപ്പോലെ ജഗതി മാത്രം

- 

തിരുവനന്തപുരം: മലയാളത്തിന്റെ ഹാസ്യ സാമ്രാട്ട് ജഗതി ശ്രീ കുമാറിന് 75-ാം പിറന്നാൾ. ജഗതി മലയാളസിനിമയിൽനിന്നു വിട്ടു നിന്നിട്ട് 12വർഷങ്ങൾ പിന്നിടുന്നു. ആരോഗ്യം വീണ്ടെടുത്ത് അദ്ദേഹം വെള്ളിത്തിരയിൽ നിറഞ്ഞാടട്ടെ എന്നാണ് അദ്ദേഹത്തെ സ്നേഹിക്കുന്നവർ ആശംസിക്കുന്നത്.

സ്വാഭാവിക അഭിനയം കൊണ്ട് അഭ്ര പാളിയെ വിസ്മയിപ്പിച്ച ജഗതിയുടെ കഥാപാത്രങ്ങളെ ഒരിക്കലും മലയാളി മറക്കാനിടയില്ല. 1951 ജനുവരി അഞ്ചിന് തിരുവനന്തപുരത്തെ ജഗതിയിലാണു ശ്രീകുമാർ ജനിച്ചത്.

നാടകാചാര്യനും എഴുത്തുകാരനുമായിരുന്ന ജഗതി എൻ.കെ.ആചാരിയുടെ മകനാണ്. സ്കൂൾ കാലം മുതൽ നാടകങ്ങളിൽ അഭിനയിച്ചിരുന്നു. പഠനശേഷം കുറച്ചു നാൾ മെഡിക്കൽ റ്റെപ്രസന്റേറ്റിവായി ജോലി ചെയ്തു.