Manjifiek dié atletiek

Uitmuntend, selfs asemrowend, is hoe die Kwagga Top 10-atletiekbyeenkoms die afgelope Vrydag en Saterdag, 17 en 18 Oktober, in Oudtshoorn hom voor duisende toeskouers, ouers, onderwysers, afrigters en baanbeamptes afgespeel het.

- Hugo Redelinghuys

Verskeie wêreldklasvertonings, deur 'n handvol skoolatlete wat al op die internasionale verhoog gepresteer het, was die uitstaande kenmerk van dié gewilde byeenkoms.

Altesaam 52 hoërskole en 24 laerskole het Vrydag in George en Saterdag in Oudtshoorn saamgetrek om hul ontluikende talent vir 'n groot gros atletiekgeesdriftiges ten toon te stel. Sowat 2 500 atlete was in aksie.

"Dis bemoedigend dat skoolatlete met soveel entoesiasme hier deelgeneem het. Atletiek is stadigaan besig om uit te sterf."

Dié jaarlikse Kwagga-byeenkoms is een van die grootstes vir skole in Suid-Afrika en loshande die grootste in die Oos-, Suiden die Wes-Kaap.

"Voortreflike vertonings deur verskeie Afrikaen SA kampioene het die aansien van dié byeenkoms na 'n wêreldklasverhoog verhef," het Jacques Wolfaardt, atletiekhoof by Hoërskool Outeniqua, aan Hugo Redelinghuys van Group Editors in 'n onderhoud gesê.

"Dis bemoedigend dat skoolatlete met soveel entoesiasme hier deelgeneem het. Atletiek is stadigaan besig om uit te sterf met wintersportsoorte wat toenemend gewilder raak.