Willowmore se ouetehuis is die beste

My vrou is drie jaar gelede oorlede en ek het nie geweet waarheen nou nie. Ek kon nie meer met my Sassa-pensioen my verblyf bekostig nie. Toe daag 'n engel op en reël dat ek tydelik by 'n omgeemens in Danabaai kan gaan woon, waar ek toe twee maande darem 'n tuiste kon hê. Na die twee maande is ek terug George toe en woon toe vir vier maande by 'n vriendin en haar man. Intussen het hulle gehelp om vir my plek in 'n ouetehuis te soek.

- Faan Cronje (80) van Gert Greeff-tehuis in Willowmore:

Op 1 Mei 2023 het ek plek by Gert Greeff-tehuis in Willowmore gekry. Die vriendin en haar suster het alles gereël en my toe by die tehuis gaan aflaai.

Was dit nie vir hierdie mense nie, sou ek nooit die matrone, Annamarie, ontmoet het nie. Ek is baie vriendelik deur Annamarie ontvang en het sy my sommer dadelik tuis laat voel.