அழகன்குளம் கிராமத்தில் நாவாய் அருங்காட்சியகம்; இடமாற்றத்துக்கு எதிர்ப்புத் தெரிவித்து மாவட்ட ஆட்சியரிடம் மனு

ராமநாதபுரம் அருகேயுள்ள அழகன்குளம் கிராமத்தில் நாவாய் அருங்காட்சியகம் இடமாற்றம் செய்வதற்கு எதிர்ப்புத் தெரிவித்து, ராமநாதபுரம் ஆட்சியரிடம் திங்கள்கிழமை கிராம மக்கள் கோரிக்கை மனு அளித்தனர்.

- 

ராமேசுவரம், ஜூன் 24:

ராமநாதபுரம் மாவட்டம், திருவாடானை சட்டப்பேரவை தொகுதிக்குள்பட்ட அழகன்குளம் ஊராட்சியில் பழங்காலப் பொருள்கள் கிடைத்தன. இதைத் தொடர்ந்து, கடந்த 1984 முதல் 2016-ஆம் ஆண்டு வரை 8 கட்டங்களாக ஆகழாய்வுப் பணிகள் மேற்கொள்ளப்பட்டன. இந்த ஆய்வில், அழகன்குளம் கிராமம் சங்க காலத்தில் 'மருங்கூர் பட்டினம்' என்று அழைக்கப்பட்டு பின் அழகன்குளம் என்று அழைக்கப்பட்டதாகக் கூறப்பட்டது.