கர்நாடக முன்னாள் டிஜிபி ஓம் பிரகாஷ் மர்மமான முறையில் உயிரிழப்பு

கர்நாடக மாநில முன்னாள் காவல் துறைத் தலைவர் (டிஜிபி) ஓம் பிரகாஷ் (68) அவரது வீட்டில் மர்மமான முறையில் ஞாயிற்றுக்கிழமை உயிரிழந்தது பரபரப்பை ஏற்படுத்தியுள்ளது.

- 

பெங்களூரு, ஏப்.20:

இந்த சம்பவம் குறித்து அவரது மனைவி பல்லவி போலீஸாரிடம் தகவல் தெரிவித்தார். இதையடுத்து, சம்பவ இடத்துக்கு காவல் துறை மூத்த அதிகாரிகள் விரைந்து சென்றனர்.

அப்போது படுகாயங்களுடன் வீட்டின் தரைதளத்தில் ஓம் பிரகாஷ் உயிரிழந்திருந்ததாக காவல் துறை கூடுதல் ஆணையர் விகாஷ் குமார் விகாஷ் செய்தியாளர்களிடம் தெரிவித்தார்.