‘மக்களுடன் முதல்வர்’ வெற்றியைத் தொடர்ந்து ‘உங்களுடன் ஸ்டாலின்’ திட்டம் தொடக்கம்

'மக்களுடன் முதல்வர்' திட்டத்தின் வெற்றியைத் தொடர்ந்து, 'உங்களுடன் ஸ்டாலின்' திட்டம் தொடங்கப்பட உள்ளதாக வருவாய் மற்றும் பேரிடர் மேலாண்மைத் துறை கூடுதல் தலைமைச் செயலர் பெ.அமுதா தெரிவித்தார்.

- 

சென்னை, ஜூலை 14:

இதுகுறித்து, அவர் தலைமைச் செயலகத்தில் செய்தியாளர்களிடம் கூறியது: முதல்வர் தனது பயணத்தின்போது, பெறப்பட்ட மனுக்கள், முதல்வரின் குறைதீர் பிரிவு, 1100 என்ற எண்ணில் செயல்படும் அழைப்பு மையம் ஆகியவற்றில் இருந்து பெறப்படும் மனுக்களுக்கு தீர்வு காணவே 'முதல்வரின் முகவரி' துறை உருவாக்கப்பட்டது. இந்தத் துறையின் மூலம் 1.05 கோடி மனுக்கள் பெறப்பட்டன. ஜூன் 30-ஆம் தேதி நிலவரப்படி 1.01 கோடி மனுக்களுக்கு தீர்வு காணப்பட்டுள்ளன.