சண்டையை நிறுத்தியது நான் அல்ல: டிரம்ப்

இந்தியா-பாகிஸ்தான் இடையிலான சண்டையை நிறுத்துவதற்கு அந்த நாட்டுத் தலைவர்கள்தான் தீர்மானித்தனர் என்று அமெரிக்க அதிபர் டிரம்ப் புதன்கிழமை கூறினார்.

- 

நியூயார்க்/வாஷிங்டன், ஜூன் 19: 'இந்தியா-பாகிஸ்தான் இடையிலான சண்டையை நிறுத்துவதற்கு அந்த நாட்டுத் தலைவர்கள்தான் தீர்மானித்தனர்' என்று அமெரிக்க அதிபர் டிரம்ப் புதன்கிழமை கூறினார். இதன்மூலம், சண்டையை நிறுத்தியது தான் அல்ல என்பதையும் அவர் ஒப்புக்கொண்டார்.

பஹல்காம் பயங்கரவாதத் தாக்குதலைத் தொடர்ந்து நடைபெற்ற இந்தியா-பாகிஸ்தான் இடையிலான சண்டை நான்கு நாட்கள் தொடர்ந்து மே 10-ஆம் தேதி முடிவுக்கு வந்தது. 'இரு நாட்டுத் தலைவர்களையும் தொலைபேசி வழியில் தொடர்பு கொண்டு, சண்டையைத் தொடர்ந்தால் இரு நாடுகளுடனான வர்த்தகத்தை அமெரிக்கா நிறுத்திவிடும் என்று கூறினேன். அதன்பிறகே, இரு நாடுகளும் சண்டை நிறுத்தத்துக்கு ஒப்புக்கொண்டன' என்று அமெரிக்க அதிபர் டிரம்ப் தொடர்ச்சியாகக் கூறிவந்தார்.