திருப்பரங்குன்றம் தீப விவகாரம்: மேல்முறையீட்டு வழக்கில் இன்று தீர்ப்பு

திருப்பரங்குன்றம் தீப விவகார மேல்முறையீட்டு வழக்கில் செவ்வாய்க்கிழமை (ஜன.

- 

6) தீர்ப்பு வழங்க உள்ளதாக சென்னை உயர்நீதிமன்ற மதுரை அமர்வு திங்கள்கிழமை தெரிவித்தது.மதுரை எழுமலையைச் சேர்ந்த ராம. ரவிக்குமார் திருப்பரங்குன்றம் மலை உச்சியில் உள்ள தூணில் கார்த்திகை தீபம் ஏற்ற உத்தரவிடக் கோரி, சென்னை உயர்நீதிமன்ற மதுரை அமர்வில் மனு தாக்கல் செய்தார்.

இந்த மனுவை விசாரித்த உயர்நீதிமன்ற நீதிபதி ஜி.ஆர். சுவாமிநாதன், திருப்பரங்குன்றம் மலை உச்சியில் உள்ள தூணில் கார்த்திகை திருநாளன்று தீபம் ஏற்ற கடந்த மாதம் 1-ஆம் தேதி உத்தரவிட்டார். ஆனால், அன்றைய தினம் தீபம் ஏற்றப்படவில்லை.

இதையடுத்து, ராம. ரவிக்குமார் தரப்பில் நீதிமன்ற அவமதிப்பு நடவடிக்கை எடுக்கக் கோரி மனு தாக்கல் செய்யப்பட்டது. இந்த மனுவை விசாரித்த உயர்நீதிமன்ற நீதிபதி ஜி.ஆர். சுவாமிநாதன், மனுதாரர் தீபம் ஏற்றுவதற்கு மீண்டும் உத்தரவு பிறப்பித்தார். இதனிடையே, மலை அடிவாரத்தில் பாதுகாப்புப் பணியிலிருந்த போலீஸார் அவர்களைத் தடுத்து நிறுத்தி, தீபம் ஏற்ற அனுமதிக்கவில்லை.