இந்திய கம்யூனிஸ்ட் மூத்த தலைவர் சுதாகர் ரெட்டி காலமானார்

இந்திய கம்யூனிஸ்ட் கட்சியின் மூத்த தலைவரும், அக்கட்சியின் முன்னாள் பொதுச் செயலருமான சுதாகர் ரெட்டி வெள்ளிக்கிழமை இரவு காலமானார்.

- 

ஹைதராபாத், ஆக. 22: அவருக்கு வயது 83.

வயது முதிர்வு மற்றும் அதுதொடர்பான உடல் நலப் பிரச்னைகள் காரணமாக கடந்த சில நாட்களாக ஹைதராபாத்தில் உள்ள தனியார் மருத்துவமனையில் சிகிச்சை பெற்று வந்த அவர், சிகிச்சை பலனின்றி காலமானார்.

தெலங்கானாவின் மஹபூப்நகர் மாவட்டத்தின் கொண்ட்ராவ்பள்ளி கிராமத்தில் சுதாகர் ரெட்டி 1942-ஆம் ஆண்டு மார்ச் 25-ஆம் தேதி பிறந்தார். இடதுசாரி சித்தாந்தத்தால் ஈர்க்கப்பட்டு, மாணவர் இயக்கங்களில் தீவிரப் பங்காற்றினார்.