பின்தங்கியவர்களுக்கு முன்னுரிமை: பிரதமர் மோடி

பின்தங்கிய நிலையில் இருப்பவர்களுக்கு முன்னுரிமை அளித்து செயல்படுகிறது மத்திய அரசு என்று பிரதமர் நரேந்திர மோடி தெரிவித்தார்.

- 

மோதிஹாரி, ஜூலை 18: பின்தங்கிய நிலையில் இருப்பவர்களுக்கு முன்னுரிமை அளித்து செயல்படுகிறது மத்திய அரசு என்று பிரதமர் நரேந்திர மோடி தெரிவித்தார்.

பிகாரில் இந்த ஆண்டு இறுதியில் சட்டப்பேரவைத் தேர்தல் நடைபெறவிருக்கும் நிலையில், அங்குள்ள மோதிஹாரி பகுதியில் வெள்ளிக்கிழமை நடைபெற்ற நிகழ்ச்சியில் ரூ.7,200 கோடிக்கும் அதிக மதிப்பீட்டிலான பணிநிறைவடைந்த திட்டங்களைத் தொடங்கிவைத்த பிரதமர் மோடி, புதிய திட்டங்களுக்கு அடிக்கல் நாட்டினார். பின்னர், பிரம்மாண்ட பொதுக் கூட்டத்தில் உரையாற்றிய அவர், 'புதிய பிகாரை உருவாக்குவோம்; மீண்டும் தேசிய ஜனநாயக கூட்டணி ஆட்சி' என்ற முழக்கத்தை முன்வைத்தார்.