திருப்பூர் தமிழன்ஸ் சாம்பியன்

டிஎன்பிஎல் 2025 கிரிக்கெட் தொடரில் ஐ ட்ரீம்ஸ் திருப்பூர் தமிழன்ஸ் அணி 118 ரன்கள் வித்தியாசத்தில் திண்டுக்கல் டிராகன்ஸ் அணியை வீழ்த்தி சாம்பியன் பட்டத்தை கைப்பற்றியது.

- 

திண்டுக்கல், ஜூலை 6: டிஎன்பிஎல் 2025 கிரிக்கெட் தொடரில் ஐ ட்ரீம்ஸ் திருப்பூர் தமிழன்ஸ் அணி 118 ரன்கள் வித்தியாசத்தில் திண்டுக்கல் டிராகன்ஸ் அணியை வீழ்த்தி சாம்பியன் பட்டத்தை கைப்பற்றியது.

இரு அணிகளுக்கு இடையிலான இறுதி ஆட்டம் திண்டுக்கல் என்பிஆர் கல்லூரி மைதானத்தில் ஞாயிற்றுக்கிழமை இரவு நடைபெற்றது.

டாஸ் வென்ற திண்டுக்கல் டிராகன்ஸ் பீல்டிங்கை தேர்வு செய்தது. இதையடுத்து திருப்பூர் தமிழன்ஸ் அணி சார்பில் அமித் சாத்விக்-துஷார் ரஹேஜா களமிறங்கினர். இருவரும் இணைந்து அபாரமாக ஆடி முதல் விக்கெட்டுக்கு 121 ரன்களை சேர்த்தனர்.