கர்நாடகம், ஆந்திரம் போல் தமிழக மா விவசாயிகளுக்கும் மானியம்

கர்நாடகம், ஆந்திர மாநிலங்களில் வழங்கப்படுவதுபோல் தமிழக மா விவசாயிகளுக்கும் மானியம் வழங்க வேண்டும் என்று வேலூரில் நடைபெற்ற குறைதீர் கூட்டத்தில் விவசாயிகள் வலியுறுத்தியுள்ளனர்.

- 

வேலூர், ஜூன் 27:

வேலூர் மாவட்ட விவசாயிகள் குறைதீர் கூட்டம் ஆட்சியர் வி.ஆர்.சுப்புலட்சுமி தலைமையில் வெள்ளிக்கிழமை நடைபெற்றது.

கூட்டத்தில் விவசாயிகள் கூறியதாவது: கடந்த 4 ஆண்டுகளாகவே மா, தென்னை மரங்கள் நோய் தாக்குதலால் பாதிக்கப்பட்டுள்ளன.

அவ்வாறு பாதிக்கப்பட்ட மரங்களை கணக்கெடுத்து, உரிய இழப்பீடு வழங்க அரசு நடவடிக்கை எடுக்க வேண்டும். தென்னை மரத்தில் ஏற்பட்டுள்ள நோய்த் தாக்குதலை தடுக்க தென்னை மரத்தின் மேலிருந்து, அதாவது குருத்தில் இருந்து மருந்து தெளிக்கவும் நடவடிக்கை எடுக்க வேண்டும்.

குடியாத்தம்பகுதியில் அடிக்கடி மின் பழுது ஏற்படுகிறது. சீரான மின்விநியோகம் வழங்க நடவடிக்கை எடுக்க வேண்டும்.