முன்னாள் முதல்வர் கருணாநிதி பிறந்த நாள், நல உதவிகள் அளிப்பு

வேலூர், ராணிப்பேட்டை, திருப்பத்தூர் மாவட்டங்களில் முன்னாள் முதல்வர் கருணாநிதி பிறந்த நாள் செவ்வாய்க்கிழமை கொண்டாடப்பட்டது.

- 

வேலூர்/ராணிப்பேட்டை/திருப்பத்தூர், ஜூன் 3: வேலூர், ராணிப்பேட்டை, திருப்பத்தூர் மாவட்டங்களில் முன்னாள் முதல்வர் கருணாநிதி பிறந்த நாள் செவ்வாய்க்கிழமை கொண்டாடப்பட்டது.

ராணிப்பேட்டை மாவட்ட திமுக மாவட்ட அலுவலகத்தில் நடைபெற்ற நிகழ்வில் கருணாநிதி படத்துக்கு கைத்தறி அமைச்சரும், மாவட்டச் செயலருமான அமைச்சர் ஆர்.காந்தி மாலை அணிவித்து மரியாதை செலுத்தினார். தொடர்ந்து பொதுமக்களுக்கு இனிப்புகளை வழங்கினார்.

இதில் சுற்றுச்சூழல் அணி மாநில துணைச் செயலாளர் ஆர்.வினோத் காந்தி, மாவட்ட அவைத் தலைவர் ஏ.கே.சுந்தர முர்த்தி, துணைச் செயலாளர்கள் குமுதா குமார், துரை மஸ்தான், மாவட்ட இளைஞர் அணி அமைப்பாளர் ஜெ.எல்.ஈஸ்வரப்பன், தலைமை செயற்குழு உறுப்பினர் க.சுந்தரம், ஜி.கே.குழும இயக்குநர் சந்தோஷ் காந்தி, மாவட்ட மாணவரணி அமைப்பாளர் எஸ்.வினோத் உள்ளிட்ட நிர்வாகிகள் கலந்து கொண்டனர்.

வேலூரில்... வேலூர் மாவட்ட திமுக அலுவலகத்தில் மாவட்ட செயலரும், எம்.எல்.ஏவுமான ஏ.பி.நந்தகுமார் தலைமை வகித்து கருணாநிதியின் படத்துக்கு மரியாதை செலுத்தி, திமுக கொடியேற்றி வைத்தார். தொடர்ந்து, பொதுமக்களுக்கு இனிப்பு, பிரியாணி வழங்கப்பட்டது.

இதில் மேயர் சுஜாதா ஆனந்தகுமார், மாவட்ட ஊராட்சித் தலைவர் மு.பாபு, ஒன்றிய செயலர் ஞானசேகரன், பகுதி செயலர்கள் கணேஷ் சங்கர், சுந்தர்விஜி, திமுகவினர் பங்கேற்றனர்.

மாநகர திமுக அலுவலகத்தில் நடைபெற்ற நிகழ்ச்சிக்கு மாநகர திமுக செயலர் ப.கார்த்திகேயன் எம்.எல்.ஏ தலைமை வகித்தார். வேலூர் மக்களவை உறுப்பினர் டி.எம்.கதிர் ஆனந்த் மாலை அணிவித்து மரியாதை செலுத்தினார். இதில் மேயர் சுஜாதா ஆனந்தகுமார், அவைத்தலைவர் முகமது சகி, முன்னாள் அமைச்சர் வி.எஸ்.விஜய், மண்டலக்குழு தலைவர் நரேந்திரன் உள்ளிட்டோர் பங்கேற்றனர்.

காட்பாடி வடக்கு பகுதி திமுக சார்பில் நடைபெற்ற நிகழ்ச்சிக்கு துணை மேயர் எம்.சுனில்குமார் தலைமை வகித்தார். பகுதி செயலர்கள் வன்னியராஜா, பரமசிவம் உள்ளிட்டோர் பங்கேற்றனர்.