திருவாரூர் அரசுப் பள்ளி குடிநீர்த் தொட்டியில் மனிதக் கழிவு

3 பேரிடம் விசாரணை

- 

திருவாரூர், ஜூலை 14: திருவாரூர் அருகே காரியாங்குடி அரசு தொடக்கப்பள்ளி சமையலறையை சேதப்படுத்தி, குடிநீர்த் தொட்டியில் மலம் கலந்தது தொடர்பாக 3 பேரிடம் விசாரணை நடைபெற்று வருகிறது.

தப்பளாம்புலியூர் ஊராட்சிக்குள்பட்ட காரியாங்குடியில் அரசு தொடக்கப்பள்ளி உள்ளது. இதில், 17 மாணவர்கள், 14 மாணவிகள் என 31 பேர் பயில்கின்றனர். இப்பள்ளியில் காலை உணவுத் திட்டம் செயல்படுத்தப்பட்டு வருகிறது.

உணவு சமைக்க, சமையல் ஊழியர்கள் திங்கள்கிழமை காலை பள்ளிக்கு வந்தபோது, சமையலறையில் இருந்த பொருள்கள் உடைத்து நொறுக்கப்பட்டிருந்ததையும், மளிகைப் பொருள்கள் சிதறிக் கிடந்ததையும் கண்டனர். இதுகுறித்து பள்ளியின் பொறுப்பு தலைமையாசிரியர் அன்புச்செல்விக்கு தகவல் தெரிவிக்கப்பட்டு, காவல்துறை நடவடிக்கை மேற்கொள்ளப்பட்டது.