முடங்கிக் கிடக்கும் 'வாழ்ந்து காட்டுவோம்' திட்டம்! காத்திருக்கும் 1,000 பணியாளர்கள்

உலக வங்கி நிதியுடன் செயல்படுத்தப்பட்ட 'வாழ்ந்து காட்டுவோம்' திட்டம் அடுத்தகட்டத்துக்கு நகரவில்லை. இதனால், இந்த திட்டத்தில் பணியாற்றி வந்த 1,000 பணியாளர்களின் வாழ்வாதாரம் கேள்விக்குறியாகியது.

- கே.பாலசுப்பிரமணியன்

சென்னை, ஜூலை 6:

தமிழ்நாட்டின் ஊரகப் பகுதிகளில் வறுமை ஒழிப்பைத் தாண்டி, ஊரகத் தொழில்களை ஊக்குவிக்கும் நோக்கத்துடன் வாழ்ந்து காட்டுவோம் திட்டம் தொடங்கப்பட்டது. உலக வங்கி நிதியுதவியுடன் 2005-06-ஆம் நிதியாண்டில் 'புதுவாழ்வு' என்ற பெயரில் திட்டம் தொடங்கப்பட்டது. சுய உதவிக் குழுக்களுக்கு நிதி ஆதாரங்களை ஏற்படுத்தித் தர உதவுவது, ஊரகப் பகுதிகளில் தொழில் வாய்ப்புகளுக்கான ஆலோசனைகளை வழங்குவது என முற்றிலும் கிராமப்புற பொருளாதாரத்தை முன்வைத்து புது வாழ்வு திட்டம் வகுக்கப்பட்டது. கடந்த 2016-ஆம் ஆண்டு இத்திட்டம் நிறைவுற்ற நிலையில், உலக வங்கியின் நிதியுதவியுடன் மேலும் பத்து ஆண்டுகளுக்கு நீட்டிக்கப்பட்டது.