இழப்பீடு விடுவிக்க ரூ.75,000 லஞ்சம்: நில எடுப்பு வட்டாட்சியர் உள்பட மூவர் கைது

திருவள்ளூரில் சாலை விரிவாக்கத்துக்காக அரசு கையகப்படுத்திய நிலத்துக்கு ரூ.45 லட்சம் இழப்பீடு தொகையை விடுவிக்க ரூ.75,000 லஞ்சம் வாங்கிய நில எடுப்பு தனி வட்டாட்சியர் உள்பட 3 பேரை லஞ்ச ஒழிப்பு போலீஸார் திங்கள்கிழமை கைது செய்தனர்.

- 

திருவள்ளூர், ஜூன் 30:

திருவள்ளூர் மாவட்டத்தில் போக்குவரத்து நெரிசலை கட்டுப்படுத்தும் வகையில் சாலை விரிவாக்கம் செய்யும் பணிகள் கடந்த ஓராண்டாக நடைபெற்று வருகின்றன. இந்த நிலையில் மாமல்லபுரம் வரை செல்லும் சாலை விரிவாக்கத்தின் ஒரு பகுதியாக திருவள்ளூர்- ஸ்ரீபெரும்புதூர் சாலை விரிவாக்க பணிகள் நடைபெறுகின்றன.