பாகிஸ்தானுக்கு உளவு; ராணுவ வீரர், கூட்டாளி கைது

பஞ்சாப் காவல் துறை நடவடிக்கை

- 

சண்டிகர், ஜூன் 22: பாகிஸ்தானுக்காக உளவு பார்த்த குற்றச்சாட்டில், பஞ்சாபில் ராணுவ வீரர், அவரது கூட்டாளி ஆகியோர் கைது செய்யப்பட்டனர்.

பாதுகாப்பு முக்கியத்துவம் வாய்ந்த ராணுவ ரகசியங்களை ஐஎஸ்ஐ செயல்பாட்டாளர்களிடம் அவர்கள் பகிர்ந்ததாக காவல் துறையினர் தெரிவித்தனர்.

இது தொடர்பாக மாநில காவல் துறை தலைமை இயக்குநர் கௌரவ் யாதவ் ஞாயிற்றுக்கிழமை கூறியதாவது:

கைதான ராணுவ வீரர், அமிருதசரஸின் தாரிவால் பகுதியைச் சேர்ந்த குர்பிரீத் சிங் ஆவார். கடந்த 2016-இல் ராணுவப் பணியில் இணைந்த இவர், ஜம்முவில் பணியாற்றி வந்தார். இவரது கூட்டாளி சாஹில் மாசிஹ் என அடையாளம் காணப்பட்டுள்ளார்.