அணு ஆயுத இருப்பை அதிகப்படுத்திய இந்தியா - பாகிஸ்தான்

இந்தியா, பாகிஸ்தான் உள்பட அணு ஆயுத சக்தி கொண்ட 9 நாடுகளும் கடந்த 2024-இல் தங்களின் அணு ஆயுத இருப்பை கணிசமாக அதிகப்படுத்தின.

- 

புது தில்லி, ஜூன் 17: அணு நவீனமய திட்டங்களைத் தீவிரப்படுத்துதல், கையிருப்பில் உள்ள அணு ஆயுதங்களை மேம்படுத்துதல் உள்ளிட்ட நடவடிக்கைகளை இந்த நாடுகள் மேற்கொண்டதாக பிரபல ஸ்டாக்ஹோம் சர்வதேச அமைதிகான ஆராய்ச்சி நிறுவனம் (எஸ்ஐபிஆர்ஐ) ஆய்வில் தெரிவிக்கப்பட்டுள்ளது.

செறிவூட்டப்பட்ட யுரேனியம் இருப்பை 60 சதவீதத்திற்கும் மேல் அதிகரித்துள்ள ஈரான், அணு ஆயுதம் தொடர்பான ஒப்பந்தத்தில் கையொப்பமிட மறுத்ததைத் தொடர்ந்து, அணு ஆயுதம் தயாரித்துவிட முடியும் என்ற அச்சத்தில் அந் நாட்டின் மீது இஸ்ரேல் தாக்குதலைத் தீவிரப்படுத்தியுள்ளது. ஈரானும் பதிலடித் தாக்குதல் நடத்தி வருகிறது.